S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

javascript | proqramlama

28 may 1997 b.dortmund - yuventus matçı | idman

control ★ wiki | kino

oyun 2019-cu ildə remedy games tərəfindən hazırlanıb. oyunun əvvəlində jesse ilə fövqəltəbii əşyaların və hadisələrin öyrənildiyi binaya( the oldest house) daxil oluruq. bura gəlişimizin məqsədi 17 il əvvəl oğurlanan qardaşımızı tapmaqdır. binaya girəndə insanların az olduğunu görürük, bina karantinaya alınıb. xadimə ahti bizə hara getməli olduğumuzu deyir və biz müdirin otağına yollanırıq ( ahtini yadda saxlayın, çünki oyun boyunca onu çox görəcəyik). müdirin (zachary trench) otağına girəndə görürük ki, müdir vurulub və ölüb. biz isə onu vuran silahı əlimizə alırıq.bunu etməyimizi isə bizim içimizdə olan gizli qüvvə polaris deyir. silahı ( service weapon) başımıza tuşlayanda isə tamam başqa bir dünyaya yollanırıq. bu dünyada the board adlı varlıq, bizim yeni müdir seçildiyimizi deyir. biz də tərəddüd etmədən bu vəzifəni qəbul edirik. trench isə zehnimizə girib bizə büronu qorumaq tapşırığını verir və onunla əlaqə saxlamaq üçün başqa bir qeyri-adi əşya olan telefonu tapmaq kimi tapşırığımız olur. otaqdan çıxanda isə hiss tərəfindən ələ keçirilmiş işçilər bizə hücum edir. hiss adlanan bu şey bütün binanı və onun içindəki insanları ələ keçirib. insanları istədiyi kimi hərəkət etdirə bilir, binanın formasını dəyişdirə bilir. jesse binanın bölümlərini təmizlədikcə onları hissdən təmizləyə bilir ( control point-lər). FBC-dan olan emily pope bəzi insanların niyə hiss tərəfindən ələ keçilirmədiyini izah edir. oyun boyunca bəzi insanların yaxasında dairə formasında lövhə (HRA hedron resonance amplifier) görəcəksiniz, bu xüsusi bir daşdan hazırlanıb və onları qoruyur, bu cihazı dr. darling hazırlayıb və o itib. binanı təmizləmək üçün vacib adamları axtarmağımız deyilir ( tomassi- ölüb, salvador-ölüb, marshall - sağdır). emily-in verdiyi bəzi tapşırıqları yerinə yetirən jesse, axırda əsl niyyətinin qardaşını tapmaq olduğunu ona etiraf edir, ona bunları danışır:
uşaq vaxtı dylanla zibillikdə bir proyektor tapırlar. bu proyektor isə başqa yerlərə portallar aça bilir, amma işlər tərs gedir və portallardan yaxşı varlıqlar gəlmir, başqa bir varlıq olan polarisin köməyi ilə proyektoru söndürməyi bacarırlar ( polaris hələ də bizimlədir və oyunda bizimlə söhbət edir, baxmayaraq ki, onu görmürük). Bu hadisədən sonra FBC dylan və jesseni tutur, jesse qaçır, dylan isə qaça bilmir.
Emily ona proyektyorun güc obyekti olduğunu, dr.darling və trenchin də bu işdə əli olduğunu deyir. Binanın bir hissəsi də bu hadisə üçün ayrılıb. Emily jesse-yə onun qardaşının P6 adlanan yerdə saxlanıldığını, onun müdir olmağa namizəd kimi hazırlaşdırıldığının(əvvəllər )deyir
Jesse sonra marshalla kömək etməyə gedir ki, daha çox hra hazırlaya bilsinlər( hiss orda da hər şeyi qarışdırıb). Marshall bunu əvəzində deyir ki, dylan artıq namizəd deyil, çünki onun gücləri dəyişib və ətrafa zərər verir( onu hiss ələ keçirib)
Dylanın yanına gedən Jesse yolüstü langstona da kömək edir. Salvdor və komandasının ələ keçirildiyini burda öyrənir.
P6-ya çatan Jesse qardaşını burda tapmır, Jesseni Emily-in komandası tapıb nəzarətdə saxlayır. Jesse ora gedir və qardaşının dəyişdirini görür, dylanın içindəki hiss jessenin içindəki polarisi görür.
Trench sonra jesseyə deyir ki, P7 kodlu namizəd də var. Jesse P7 otağında yollananda görür ki, sonrakı namizəd elə özü imiş və uşaqlıqdan və FBC tərəfindən izlənilir(şəkillər və s. əsasında başa düşür bunları). Hətta binanı gəzəndə jesse görür ki, proyektor hadisəsi baş verən hissəni belə binanın içində köçürüblər.
Jessenin artıq əsas məqsədi, bütün bunların səbəbi olan proyektory yox etməkdir. Burada Ahti yenə bizə kömək edir. Oyunun burası oynanışı ən gözəl hissədir ( ashtray maze)
Jesse Proyektor saxlanan otağa girəndə görür ki, o, yerində yoxdur.
Hissə qarşı döyüşən qüvvə hedrondur, hedron da elə polarisdir. Jesse bunu öyrənir və hissin onu məhv edəcəyini bilib, polarisi qorumağa gedir. Polaris kürəsinin saxlanıldığı yerə çatan jesse hissin ona hücum etdiyini görür, onu qoruya bilmir və polaris məhv olur.
Hiss Jesseni ələ keçirir, indi isə başqa paralel dünyaya keçirik. Jesse həmin binada işçidir, burada məqsədi hissin onun üzərindəki hakimiyyətini ləğv etməkdir. Jesse görür ki, bu bir qarabasmadır, o öz içində polarisi tapmalıdır. Bu yuxuda Jesse görür ki, bu hadisələrin səbəbi hissin proyektor vasitəsilə trenchi ələ keçiməsidir. hiss elə edir ki, trench proyektoru işə salsın, o da portal açıb binaya sızsın. Sonra birdən birə Jesse-yə zəng gəlir, sonra da o polarisi içində tapır, hedron məhv olsa da polaris sağdır, o artıq nəhəng kürədə yox, jesse-nin bədənində yaşayır. Sonra paralel dünyada jesse proyektoru da söndürür, qardaşını də güclərdən təmizləyir. Oynanan Dylan artıq komadadır.
Oyunun lap axırında isə Jesse rəsmi yeni müdirdir, binada vəziyyət yaxşıya doğru gedir
Jesse,ümumiyyətlə, bu binanı necə tapıb? bu sualın cavabı polarisdir. polaris jesseni onu bu binaya gətirdiklərinə görə bura yönləndirib.

oyundakı bəzi hissələr başqa dünyalardadır və bu hissələri oynadıqca xüsusi bacarıqlar qazanırıq ( uçmaq, sürətlə qaçmaq, telekinezis)
dünya, paralel dünya - oyundakı dimensionlardır
hadisələr çox qarışıqdır, amma hekayə belədir. sənədləri yığıb, bütün hissələri tam oynasanız, daha çox şey öyrənə bilərsiniz
Belə yazanda sıxıcı görünür, amma oyun maraqlı idi

tissot prx | texnologiya